كلمات اغنية يوم عادي جدا ل دنيا سمير غانم من البوم واحدة تانية خالص
كان يومي عادي جدا زي اي يوم
صحيت غسلت وشي وحضرت الفطار
بعدين دخلت اوضتى وغيرت الهدوم
ونزلت روحت شغلي وكان الجو نار
في ميعدها الشمس طلعت
وهتمشي في وقتها
الزحمة هي هي
والناس علي بعضها
يعني لا الدنيا وقفت
ولا بعدك هدني
انا عايشة اهو مامتش
علشان انت سبتني
خلصت الشغل وركبت عربيتي
حطيت نفس الاغاني الي بحبها
بعدين مديت ايديا عادي في شنطتي
طلعت نفس الشيكولاتة واكلتها
روحت الساعة سبعة
وكنت مكسرة
ومانمتش بدري بردو
مع اني مقررة
يعني لا الدنيا وقفت
ولا بعدك هدني
انا عايشة اهو مامتش
علشان انت سبتني
No comments:
Post a Comment